პოლიტიკური დისკურსის ფუნქციურ-ენობრივი ასპექტები

რეზიუმე

ნაშრომში გაანალიზებულია პოლიტიკური დისკურსის კომუნიკაციური სტრატეგიის ზოგადი ტენდენციები,
კერძოდ, დასავლური და ქართული პოლიტიკური ინტერაქციის ზოგიერთი ენობრივი თავისებურება
და თანამედროვე პოლიტიკური დისკურსის ფუნქციური ასპექტები. ჩვენი მიზანია, ვაჩვენოთ, რა გავლენას
ახდენს ობიექტური და სუბიექტური გარემოებები პოლიტიკური დისკურსის ფორმირებაზე და რა სა-
შუალებებით ახერხებს პოლიტიკის ენა საზოგადოებრივი ცნობიერების მართვას. შევისწავლეთ რა ზეპირი
პოლიტიკური დისკურსის ნიმუშები, მივედით იმ დასკვნამდე, რომ თანამედროვე ქართული პოლიტიკური
ინტერაქციის ფუნქციურ-ენობრივი ასპექტები, მიზნები და ამოცანები არსებითად არ განსხვავდება
დასავლურისგან. ქართულ პოლიტიკურ სივრცეშიც სიტუაციის განსხვავებული `მენტალური მოდელის~
შესაქმნელად იყენებენ `დისკურსული დომინირების~ მეთოდს _ შესაბამისი ლინგვისტური თუ ექსტრალინგვისტური
ფაქტორების მაქსიმალური კონცენტრაციით.
ჩვენ მიერ განხორციელებული კვლევის მეთოდები ძირითადად ემპირიულ-ექსპერიმენტულია. საანალიზო
მასალად გამოყენებულია ზეპირი პოლიტიკური მეტყველება, ვიდეო და აუდიოჩანაწერები.