ტურისტული კომპანიების საკადრო მენეჯმენტი პანდემიის პირობებში

რეზიუმე

თანამედროვე მსოფლიოს ერთ­ერთ ურთულეს გამოწვევას წარმოადგენს covid­19 და პანდემიით გამოწვეული კრიზისები სხვადასხვა მიმართულებით. ტურიზმი, პანდემიის ნეგატიური გავლენით დაზარალებულ სფეროთა შორის ერთ­ერთი პირველთაგანია, რადგან პანდემია პირველ რიგში მსოფლიოსა თუ რეგიონში თავისუფალ გადაადგილებას ზღუდავს და ამით სერიოზულ საფრთხეს უქმნის ტურისტული ბიზნესის არსებობა­განვითარებას.

საქართველოში, ისევე როგორც მსოფლიოში – ტურისტული ბიზნესი, პანდემიით გამოწვეული შეზღუდვებისა და ტურისტული მიმოსვლების შეჩერების გამო – ფაქტიურად უფუნქციოდ და ამდენად, უშემოსავლოდ დარჩა. ამან კი თავის მხრივ სფეროში დასაქმებული ადამიანების ფინანსური კრიზისი და პანდემიის ფონზე, მეტად ცოცხალ სფეროებში მათი გადინება გამოიწვია.

პროფესიონალი კადრების ტურისტული სფეროდან მიგრაცია ერთ­ერთ სერიოზულ გამოწვევას წარმოადგენს აღნიშნული ბიზნესის მდგრადი განვითრებისათვის და პოსტ­პანდემიურ პირობებში სფეროს რეაბილიტაციისათვის, რადგან როგორც ვიცით – ტურისტული ბიზნესის წარმატებულობა, მასში დასაქმებული მომსახურე კადრების – განსაკუთრებით კი გიდებისა და ტურმენეჯერების პროფესიონალიზმზეა დამოკიდებული, რომელიც გარდა თეორიული ცოდნისა, სფეროში მრავალწლიანი გამოცდილებით მიიღწევა.

ამდენად, წინამდებარე კვლევა სწორედ იმ ღონისძიებების იდენტიფიცირებას შეეხება, რომელიც ტურისტულ ბიზნესში ჩართულმა მხარეებმა განახორციელეს ფორს­მაჟორულ სიტუაციაში კადრების და საკუთარი ბიზნესის შესანარჩუნებლად. ასევე იმ ფაქტორებს უსვამს ხაზს, რომელთა აუცილებლობაზეც საუბრობენ ტურისტული სფეროს სწრაფი რეაბილიტაციისა და მდგრადი განვითრების ხელშეწყობისთვის.